නික්ම යනු මැන හිත තුටින්..........

වෙහෙස දිනකට කොමාවක් වී 
නික්ම යනු මැන හිත තුටින්..........

කුබුක් ගහ අද්දර බොරලු පාරේ
හිනහෙන්න යලි සෙනහසින්
නික්ම යනු මැන හිත තුටින්.....
පුර පොය හදට හොදින් දිලෙන 
නිල් සයුර වුවත් මග බලා හිදි පසු
පසින් එන අමවක රැයක්
හිනහෙන්න යලි තබාගෙන ඉඩ
නික්ම යනු මැන හිත තුටින්.......
සොදුරු සවසක නොදුරු දිනයක
සීතල බීර විදුරුවක් නුරාගි ඇස් දෙකක් එක්ක පසුදිනට ඉතිරි වෙන හදුවක 
කැලලක් තියන්නට නම්,
නුබ..
නික්ම යනු මැන හිත තුටින්.......
සචිත් යශොද......

Read more »

.......... වැහි බිංදු ............

.......... වැහි  බිංදු ............

වාළුකා දැන් ඉතින්
හිමි හිමි මුමුනන්න
ගිගුම් දෙන සත්සරට
සා පැටව් හැන්ගෙන්න .............
                   
                   දැවුනු මහ පොලොව 
                   වැහි බින්දු තෙමනකොට
                   ගෙන ගියා දුර ඈත
                   පිපි සිතක අරුමැසිය............

මී පොකුරු කිටි කිටියේ
ගුලි වුනා සකි සෙවනෙ
බොවිටියා මල් පදුරේ
මල් සැලුනා හොර රහසේ...............
                      

                       වැහි බිංදු  වැහි බිංදු  වැහි බිංදු.......     
                      ඉතා රළු තැනිතලා, වල පවා
                      ලා පාට මල් පියලි විසුරුනා............
                      දම් අහස හිනහුනා........... 
                     
      ..............සචිත් යශෝධ............
                     
                      

Read more »

අපි නොදන්න පරසතු මල................

බෝල බෝල
පාට පබලු
එක නුලක
බැද ඇති ලෙස
සිතුම් පැතුම්
දුක දොම්නස
සමව විදින
දේ මනුලොව...................
අනග සරින්
එක බැල්මෙන්
ඇති වන බව
සිතනා දෙය
ඇලට දොලට
ගහට මලට
පවා දැනෙන
මෙ අමුතුම
සත්සර හඩ................    

කිරි සයුරින්
එහා එපිට
අහස් කුසේ
ඈත තරුව
පවා දන්න
අපි නොදන්න
සුවද හමන
පරසතු මල.................
..........සචිත් යශෝධ...........

Read more »